Táimid tiomanta do sheirbhís ardchaighdeáin a sholáthar dár gcustaiméirí agus úsáideoirí seirbhíse i gcomhréir lenár nDualgais Earnála Poiblí agus le prionsabail na Seirbhíse Ardchaighdeáin do Chustaiméirí.
Tá sé mar aidhm againn seirbhís den scoth a sholáthar do gach custaiméir agus páirtí leasmhar agus tá ár ngealltanais seachadta seirbhíse duit leagtha amach inár gCairt Chustaiméirí.
Beidh ár bhFoirne Seirbhíse do Chustaiméirí dea-bhéasach, cairdiúil agus cothrom agus iad ag déileáil leat. Is cuma cén chaoi a ndéanaimid teagmháil leat, déileálfar le d’fhiosrúchán go pras, go héifeachtúil agus chomh fada agus is féidir linn.
Leagtar amach inár gCairt Chustaiméirí 2024-2026 ár ngealltanais dár gcustaiméirí agus dár bpáirtithe leasmhara uile. Táimid tiomanta don tseirbhís is fearr is féidir a sholáthar dár gcustaiméirí go léir de réir na 12 Treoirphrionsabal maidir le Seirbhís Ardchaighdeáin do Chustaiméirí.
Leagtar amach go mion inár bPlean Gníomhaíochta do Chustaiméirí conas a dhéanfaidh Tailte Éireann tiomantais agus caighdeáin na seirbhíse ardchaighdeáin do chustaiméirí a sholáthar agus a mheas.
Sula ndéanfaidh tú teagmháil linn tá céimeanna is féidir leat a ghlacadh a chabhróidh linn freagra tapa agus cabhrach a thabhairt ar do cheist.
Tá Tailte Éireann tiomanta do sheirbhís den scoth a sholáthar do chustaiméirí agus tá formhór na gcustaiméirí sásta leis an gcaighdeán seirbhíse a fhaigheann siad. Mar sin féin, má tá gearán agat faoin tseirbhís a cuireadh ar fáil, is iad seo thíos na céimeanna chun é sin a chur ar ár súile dúinn.
Is féidir tuilleadh sonraí faoi na nósanna imeachta atá i bhfeidhm maidir le gearáin ó chustaiméirí agus dícheangal custaiméirí a fháil inár mbeartas thíos.
Glacann Tailte Éireann go dáiríre lena dualgais reachtúla chun leas, dínit agus sábháilteacht gach ball foirne a chosaint, agus ní bheidh ar aon duine acu, ná ní bhraithfear go bhfuil dualgas orthu, déileáil le haon chustaiméir nó úsáideoir seirbhíse a léiríonn iompar bagrach nó maslach.
Is féidir méid díréireach ama agus acmhainní a chaitheamh ar iompar míréasúnach a láimhseáil, ar nithe iad a d’fhéadfaí a úsáid ar bhealach níos fearr ar mhaithe le leas an phobail.
Sainmhínítear Madra Seirbhíse faoi dhlí na hÉireann mar mhadra oilte go sonrach atá oilte chun cabhrú le duine faoi mhíchumas.
Leagtar amach sa pholasaí seo na coinníollacha faoina gceadaítear d’ainmhithe dul isteach in aon cheann dár bhfoirgnimh agus dár dtailte agus tá sé i bhfeidhm chun sábháilteacht gach ball foirne san ionad oibre a chosaint.