Clárúchán Maoine
Soláthraímid seirbhís chlárúcháin maoine don stát agus coimeádaimid Clárlann na nGníomhas agus Clárlann na Talún agus léarscáil Chlárlainne ina dtaifeadtar úinéireacht dhlíthiúil maoine in Éirinn.
Landdirect.ie – Cuardaigh an Clár Talún digiteach
Is é Landdirect.ie ár bhfeidhmchlár cuardach ar líne saor in aisce a chuireann rochtain éasca ar fáil freisin ar chuid dár seirbhísí clárúcháin maoine. Fiosraigh an léarscáil idirghníomhach chun uimhir fhóilió do mhaoine a aimsiú agus a aithint, déan cuardach de réir suímh nó seoladh, féach ar shonraí na maoine atá cláraithe i gClárlann na Talún.
Mar is taifead poiblí é an Clár Talún, is féidir aon duine na fóiliónna agus na léarscáileanna a iniúchadh, ar íoc na dtáillí forordaithe trí LandDirect. Tá rochtain ag sealbhóirí Cuntais Ghnó freisin ar raon leathan seirbhísí atá saincheaptha don úsáideoir gairmiúil, lena n-áirítear rochtain chuardach ar thaifid Chlárlann na nGníomhas.
Clárú Gníomhas i gClárlann na nGníomhas
Ó bunaíodh í sa bhliain 1708, is é feidhm Chlárlann na nGníomhas córas a sholáthar chun gníomhais agus tíolactha a bhaineann le maoin neamhchláraithe a thaifeadadh. Is maoin neamhchláraithe í maoin nach bhfuil a teideal cláraithe i gClárlann na Talún fós.
Nuair a thaisctear Gníomhas i gClárlann na nGníomhas, caithfidh an Fhoirm Iarratais ábhartha um CG (mar atá forordaithe i Rialacha Clárúcháin Gníomhas 2008) a bheith ag gabháil leis.
Clárú Teidil ar Chlár na Talún
Is é croíghnó Chlárlann na Talún ná scrúdú a dhéanamh ar dhoiciméid dhlíthiúla agus ar léarscáileanna gaolmhara a chuirtear isteach mar iarratais ar chlárú agus a dtionchar dlíthiúil ar an gclár agus ar na léarscáileanna a thaifeadadh.
I bhformhór na gcásanna, ullmhaíonn cleachtóirí dlí cáilithe iarratais thar ceann an iarratasóra agus cuirtear isteach iad lena gclárú. Caithfidh na foirmeacha iarratais agus na doiciméid ábhartha a bheith san áireamh i ngach iarratas ar chlárú. Tá treoracha clárúcháin agus seicliostaí chun iarratas a ullmhú ar fáil sa rannán Acmhainní.
Is féidir le hiarratais ar chéad chlárú a bheith casta agus cuirtear treoir agus treoir bhreise ar fáil thíos.
eRegistration.ie
Cuireann ríomh-Chlárúchán réimse seirbhísí ar fáil d’Aturnaetha cleachtacha a éascaíonn clárú leictreonach idirbheart a mbíonn tionchar acu ar an gClár Talún.
Tá go leor buntáistí ag baint le cuntas ríomh-Chlárúcháin, lena n-áirítear dréachtú gníomhas áirithe ar líne le rochtain ar shonraí úinéirí cláraithe chun earráidí san iarratas a sheachaint agus gan aon táillí iníoctha as idirbhearta áirithe.
I measc na mbuntáistí tá scaipeadh slán gníomhas dréachta agus críochnaithe, comhfhreagras agus fógraí leictreonacha agus íocaíocht táillí clárúcháin ar fad in aon áit amháin.
Bunchíosanna
Riarann Tailte Éireann scéim faoinar féidir le húinéirí maoine léasacha a Chíos Talún a cheannach agus a leas a mhéadú go ruíleas. Bíonn leas léasachta ar feadh téarma socraithe blianta agus faoi réir cíosa ach bíonn an cumas ag réadmhaoin ruílse maireachtáil go deo.
Iarratais ar Chóip Leictreonach d’Ionstraimí
Tá próiseas iarratais ‘P’ gan pháipéar chun Cóip d’Ionstraim a iarraidh ar fáil d’Aturnaetha cleachtacha atá ag gníomhú thar ceann an Úinéara Cláraithe.
Glactar le hiarratais láithreach a luaithe a chuirtear isteach iad agus beidh dáta taiscthe acu, an lá a cuireadh isteach é, rud a fhágann nach gcaithfear an t-am agus an costas a bhaineann le hiarratais a phostáil. Is é seacht lá oibre an t-am críochnaithe d’iarratais ‘P’ i gcás ina bhfuil an ionstraim ar fáil go héasca.